Заңнама

Қазақстан Республикасының мемлекеттік-жекешелік әріптестік саласындағы заңнамасы мемлекеттік-жекешелік әріптестіктің құқықтық жағдайларын, оның жүзеге асырылу тәсілдерін айқындайды және мемлекеттік-жекешелік әріптестік жобасын дайындау мен іске асыру, мемлекеттік-жекешелік әріптестік шартын жасасу, орындау және тоқтату процесінде туындайтын қоғамдық қатынастарды реттейді.

МЖӘ-тің негізгі қағидаттары мыналар:

- мемлекеттік-жекешелік әріптестік шартын жасасу арқылы мемлекеттік әріптес пен жекеше әріптестің қатынастарын орнату;

- мемлекеттік-жекешелік әріптестік жобасын іске асырудың орта мерзімді немесе ұзақ мерзімді кезеңі (мемлекеттік-жекешелік әріптестік жобасының ерекшеліктеріне қарай үш жылдан отыз жылға дейін);

- мемлекеттік әріптес пен жекеше әріптестің мемлекеттік-жекешелік әріптестік жобасын іске асыруға бірлесіп қатысуы;

- мемлекеттік-жекешелік әріптестік жобасын іске асыру үшін мемлекеттік әріптес пен жекеше әріптестің ресурстарын біріктіру болып табылады.

Сізге Қазақстан Республикасында мемлекеттік-жекешелік әріптестік аясындағы жобаларды іске асыруды реттейтін кейбір құқықтық нормаларды ұсынамыз:  

  1. ҚР Бюджет Кодексі 
  2. ҚР Азаматтық Кодексі  
  3. ҚР Салық Кодексі  
  4. «Концессиялар туралы» ҚР Заңы  
  5. МЖӘ туралы Заң